༄༅། །རྒྱ་དཔོན་ཁྲེན་ཆོན་གོ་ལ་བུ་ཆུང་ཚེ་རིང་གི་དགག་ལན་རྩོམ་ཡིག་བཀླགས་པའི་མྱོང་ཚོར། May 12, 2014Kunga Jigmey ༈ ཉེ་དུས་རྒྱ་ཡིག་དྲ་རྒྱ་བོ་ཤུན（博讯）ཞེས་པའི་ནང་། ཨ་རིའི་རྒྱལ་ས་ཝ་ཤིན་ཊོན་ནང་གཏན་གཞི་བྱས་པའི་རྒྱལ་སྤྱིའི་བོད་དོན་ལས་འགུལ་ཚོགས་པའི་འགན་འཛིན་གཞོན་པ་བུ་ཆུང་ཚེ་རིང་ལགས་ཀྱིས་ཨིན་ཡིག་ཐོག་བོད་ནང་བཅའ་སྡོད་བོད་རང་སྐྱོང་ལྗོངས་དམར་ཤོག་དྲུང་ཆེ་དང་པོ་ཁྲེན་ཆོན་གོ་ཡིས་བོད་ཀྱི་གནད་དོན་གླེང་བ་ཞེས་པར་དཔྱད་གཏམ་སྤེལ་བ་དེ་རྒྱ་ཡིག་ནང་བསྒྱུར་ནས་འགོད་སྤེལ་བྱས་འདུག བུ་ཆུང་ཚེ་རིང་གི་དགག་ལན་རྩོམ་ཡིག་དེས། ཁྲེན་ཆོན་གོ་ཡིས་བོད་ཀྱི་གནད་དོན་གླེང་བ་ཞེས་པའི་རྩོམ་ཡིག་ནང་ཁོ་པས་རྒྱ་ནག་གཞུང་གིས་ད་བར་བོད་ཐོག་འཛིན་པའི་སྲིད་བྱུས་ལ་ཕམ་ཉེས་བྱུང་བར་ངོས་ལེན་བྱས་པ་དང་གཅིག དེ་སྔའི་བོད་རྙིང་པ་དང་ད་ལྟའི་སྤྱི་ཚོགས་རིང་ལུགས་ཀྱི་བོད་གསར་པ་ཟེར་བ་གཉིས་བསྡུར་བ་བྱེད་པའི་སློབ་གསོ་ག་ཚོད་བཏང་ཡང་བོད་མི་རྣམས་ཀྱི་བསམ་བློ་འགྱུར་བ་གཏོང་ཐུབ་ཀྱི་མེད་པ་དང་གཉིས། རྒྱ་ནག་གཞུང་གིས་འགོ་ཁྲིད་ལས་བྱེད་གཙོ་བོ་བྱས་པའི་ལས་བྱེད་དཔུང་ཁག་གིས་གཞུང་གི་ལངས་ཕྱོགས་ལ་མངོན་བརྩི་ལྐོག་འགལ་བྱེད་ཀྱི་ཡོད་པའི་གནད་དོན་དང་གསུམ་གསལ་སྟོན་བྱས་ཏེ་དོན་དྲང་ཚིག་བཙན་གྱིས་དགག་པ་རྣག་ཐོག་གཙག་འཁེལ་རྒྱབ་འདུག་པའི་མྱོང་ཚོར་ཟབ་ནན་ཞིག་བྱུང་། གནས་ཚུལ་དེ་དག་རང་རེའི་སྤྱི་ཚོགས་ནང་ཨིན་ཡིག་དང་རྒྱ་ཡིག་མ་ཤེས་མཁན་མང་པོ་ཞིག་ཡོད་པ་དེ་རྣམས་ཀྱིས་ཤེས་རྟོགས་དགོས་རྒྱུ་གལ་ཆེ་ཡིན་སྟབས་ཁོ་བོས་བུ་ཆུང་ཚེ་རིང་གི་དཔྱད་རྩོམ་ནང་གསལ་བའི་ནང་དོན་རྣམས་ཕབ་བསྒྱུར་གྱིས་གཤམ་དུ་ངོ་སྤྲོད་བྱ་རྒྱུ་ཡིན། [རྒྱས་པ་འདིར་གཟིགས།]
