བོད་དང་རྒྱ་ནག་ནང་ཁུལ་གྱི་གལ་ཆེ་གསར་འགྱུར་མདོར་བསྡུས། March 15, 2014Tenzin Dhetan སྤྱི་ལོ་ ༢༠༡༤ ལོའི་ཟླ་ ༣ ཚེས་ ༡ ཉིན་ནས་ཚེས་ ༡༥ ཉིན་བར། ༡༽ ཟླ་ ༣ ཚེས་ ༡ ཉིན་གྱི་དགོང་མོར་ཡུན་ནན་ཞིང་ཆེན་ཁུན་མིན་མེ་འཁོར་འབབ་ཚུགས་སུ་གཏུམ་སྤྱོད་འཇིགས་སྐུལ་གྱོད་གཞི་ཚབས་ཆེན་ཞིག་བྱུང་ཞིང་། སྤྱི་བདེ་པུའུ་ཡིས་ཡུན་ནན་དང་། ཤིན་ཅང་། ལྕགས་ལམ་སོགས་ལ་ཡོད་པའི་སྤྱི་བདེ་ལས་ཁུངས་དང་སྲིད་ཁྲིམས་སྟོབས་ཤུགས་སྒྲིག་འཛུགས་བྱས་ཏེ་ཟླ་ ༣ ཚེས་ ༣ ཉིན་གྱི་ཕྱི་དྲོར་གྱོད་གཞི་རྩད་ཆོད་ཡོད་པ་དང་། གྱོད་གཞི་དེ་ནི་ཨ་པུ་ཏུའུ་རེ་དབྱི་མུའུ་ ཁཱུར་པན་བྱེད་གཏེ་ཡིན་པ་གཏུམ་སྤྱོད་འཇིགས་སྐུལ་རུ་ཚོགས་ཀྱིས་ཉེས་གསོག་བྱས་པ་རྩད་གཅོད་གསལ་པོ་བྱུང་། ཚོགས་པ་དེར་ཚོགས་མི་སྐྱེས་པ་ ༦ དང་བུད་མེད་ ༢ བཅས་མི་ ༨ ཡོད་པ་དང་། གཏུམ་སྤྱོད་འཇིགས་སྐུལ་བྱེད་ས་དེ་རང་དུ་གཏུམ་སྤྱོད་པ་ ༤ སྤྱི་བདེ་ལས་ཁུངས་ཀྱི་ཉེན་རྟོག་པས་མེ་མདའ་བརྒྱབ་སྟེ་བསད། གཏུམ་སྤྱོད་པ་བུད་མེད་ ༡ ལ་མེ་མདའ་ཕོག་ནས་འཛིན་བཟུང་བྱས་ཤིང་། གཏུམ་སྤྱོད་པ་གཞན་དག་ ༣ ཡང་སྔ་རྗེས་སུ་འཛིན་བཟུང་བྱས་པ་རེད་ཅེས་གནས་ཚུལ་སྤེལ། ༼ཆ་འཕྲིན་འབྱུང་ཁུངས། མི་དམངས་དྲ་བ་ནས། ཟླ་ ༣ ཚེས་ ༤ ཉིན༽[རྒྱས་པ་འདིར་གཟིགས།]
