བོད་དང་རྒྱ་ནག་ནང་ཁུལ་གྱི་གལ་ཆེ་གསར་འགྱུར་མདོར་བསྡུས། May 2, 2014Tenzin Dhetan སྤྱི་ལོ་ ༢༠༡༤ ལོའི་ཟླ་ ༤ ཚེས་ ༡༦ ཉིན་ནས་ཚེས་ ༣༠ ཉིན་བར། ༡༽ ཟླ་ ༤ ཚེས་ ༡༥ ཉིན་ལམ་ཐག་ཧྲིལ་པོར་ཀེ་ལོ་སྨི་ཊ་ ༣༢․༦༤༥ ཡོད་པའི་མདོ་དབུས་ལྕགས་ལམ་ཟི་ལིང་ནས་གོར་མོ་བར་གྱི་ལམ་ཐིག་གཉིས་པའི་ཚོད་འཛིན་རང་བཞིན་གྱི་ལས་གཞི་སྟེ་ཀོན་ཅའོ་ཕུག་ལམ་གསར་པའི་ཉིས་གཤིབ་ལམ་ཐིག་དངོས་སུ་ཤར་གཏོང་བྱས། ཀོན་ཅའོ་ཕུག་ལམ་གསར་པ་ནི་མིག་སྔར་རྒྱལ་ནང་གི་ལྕགས་ལམ་གྱི་ཕུག་ལམ་རིང་ཤོས་དེ་ཡིན་ལ་འཛམ་གླིང་ཐོག་ས་མཐོའི་ལྕགས་ལམ་གྱི་ཕུག་ལམ་རིང་ཤོས་ཀྱང་ཡིན། ཕུག་ལམ་དེ་མཚོ་སྔོན་ཞིང་ཆེན་གྱི་ཐེམ་ཆེན་རྫོང་དང་ཝུའུ་ལན་རྫོང་ནང་ཁུལ་གྱི་ཀོན་ཅའོ་རི་བོར་གནས་པ་དང་། མཚོ་བོད་ལྕགས་ལམ་ཐེམ་འཕོངས་འབབ་ཚུགས་ནས་ཚྭ་ཁ་ནོར་འབབ་ཚུགས་བར་གྱི་མགྱོགས་ཚད་ཆུ་ཚོད་རེར་ཀེ་ལོ་སྨི་ཊ ༡༦༠ ཡིན་པ་རེད། ཕུག་ལམ་དངོས་སུ་སྤྱོད་འགོ་ཟིན་རྗེས་ཀོན་ཅའོ་རི་བོ་སྒྲོལ་པའི་དུས་ཚོད་དེ་སྔོན་དང་བསྡུར་ན་ཆུ་ཚོད་གཉིས་དང་སྐར་མ་ཉི་ཤུ་ཇེ་ཐུང་དུ་འགྲོ་རྒྱུ་རེད་ཟེར། ༼ཆ་འཕྲིན་འབྱུང་ཁུངས། མི་དམངས་དྲ་བ་ནས། ཟླ་ ༤ ཚེས་ ༡༦ ཉིན༽ [རྒྱས་པ་འདིར་གཟིགས།]
