བོད་དང་རྒྱ་ནག་ནང་ཁུལ་གྱི་གལ་ཆེ་གསར་འགྱུར་མདོར་བསྡུས། June 6, 2014Tenzin Dhetan སྤྱི་ལོ་ ༢༠༡༤ ལོའི་ཟླ་ ༥ ཚེས་ ༡༦ ཉིན་ནས་ཚེས་ ༣༡ ཉིན་བར། ༡༽ ཟླ་ ༥ ཚེས་ ༡༥ ཉིན་རྒྱལ་ཁབ་ཀྱི་ཀྲུའུ་ཞི་ཞིས་ཅིན་ཕིང་གིས་མི་དམངས་ཚོགས་ཁང་ཆེན་མོར་ཀྲུང་གོའི་རྒྱལ་སྤྱིའི་མཛའ་གྲོགས་ཚོགས་ཆེན་དང་ཀྲུང་གོའི་མི་དམངས་ཕྱི་ཕྱོགས་མཛའ་གྲོགས་མཐུན་ཚོགས་དབུ་བརྙེས་ནས་ལོ་ངོ་ ༦༠ འཁོར་བའི་དྲན་གསོ་ཞུ་བའི་བྱེད་སྒོར་ཞུགས་པ་མ་ཟད་གསུང་བཤད་གལ་ཆེན་ཡང་གནང་། ཁོང་གིས་མི་དམངས་མཛའ་གྲོགས་ནི་འཛམ་གླིང་ཞི་བདེ་དང་འཕེལ་རྒྱས་ཡོང་བར་སྐུལ་འདེད་གཏོང་བའི་རྨང་གཞིའི་སྟོབས་ཤུགས་ཡིན་ཞིང་། ཀྲུང་གོ་མི་དམངས་ཀྱིས་འཛམ་གླིང་རྒྱལ་ཁབ་ཁག་གི་མི་དམངས་དང་འཆམ་མཐུན་མཉམ་གནས་དང་ཞི་མཐུན་འཕེལ་རྒྱས་བྱས་ཏེ་ཐུན་མོང་ཐོག་མིའི་རིགས་ཞི་བདེ་དང་འཕེལ་རྒྱས་ཡོང་བའི་བྱ་གཞག་བླ་ན་མེད་པར་སྐུལ་འདེད་གཏོང་འདོད་ཡོད། དམངས་ཁྲོད་ཕྱི་འབྲེལ་བ་གསར་གཏོད་དང་གསར་འབྱེད་བྱས་ཏེ་། ཁྱབ་ཁོངས་མང་པོ་དང་། རིམ་པ་མང་པོ། ཐབས་ལམ་མང་པོ་བཅས་ཀྱི་སྟེང་ཕྱི་ཕྱོགས་མཛའ་གརོགས་སྤེལ་རེས་བྱ་དགོས། ཞེས་བཤད་འདུག ༼ཆ་འཕྲིན་འབྱུང་ཁུངས། ཤིན་ཧྭ་གསར་འགྱུར་ཁང་ནས། ཟླ་ ༥ ཚེས་ ༡༦ ཉིན༽ [རྒྱས་པ་འདིར་གཟིགས།]
