འདི་ག་བོད་ཀྱི་སྲིད་བྱུས་ཉམས་ཞིབ་ཁང་གི་རྩོམ་སྒྲིག་པ་རིག་སྨོན་ཚེ་རིང་བསམ་གྲུབ་ཀྱིས་ཉེ་བའི་ལོ་ངོ་ལྔ་དྲུག་གི་སྔོན་ལ་བོད་ནས་བྲིས་པའི་བོད་ཀྱི་ཆབ་སྲིད་བཙོན་ཟུར་རྒྱ་ཡེ་ཕུན་ཚོགས་ཀྱི་མི་ཚེའི་བྱུང་བ་བརྗོད་པ་《མཚོ་སྔོན་པོའི་བོད་དོན་འཐབ་རྩོད་པ》ཞེས་པ་བོད་ཀྱི་དཔེ་མཛོད་ཁང་གིས་༢༠༢༡ལོའི་ལོ་རྒྱུས་དེབ་ཕྲེང་༦༤པར་དཔར་སྐྲུན་འགྲེམས་སྤེལ་བྱས་ཤིང་། ཁ་སང་སྤྱི་ཟླ་དང་པོའི་ཚེས་ཉེར་བདུན་ཉིན་བོད་ཀྱི་དཔེ་མཛོད་ཁང་ནས་དཔེ་དེབ་དབུ་འབྱེད་ཀྱི་མཛད་སྒོ་འཚོགས། དེ་དང་ཆབས་ཅིག་ཏུ་རིག་སྨོན་ཚེ་རིང་བསམ་གྲུབ་ཀྱིས་རྒྱ་ཡིག་ནས་བོད་སྒྱུར་བྱས་པའི་སྒྲུང་དེབ་《ཚེ་ཐར་ལ་གཏོང་བ》ཞེས་པའང་བོད་ཀྱི་དཔེ་མཛོད་ཁང་ནས་༢༠༢༡ལོའི་སྐད་ཡིག་དེབ་ཕྲེང་༣༨པར་དཔར་སྐྲུན་བྱས་ཏེ་ཁ་སང་དཔེ་དེབ་དེ་གཉིས་མཉམ་གཅིག་ཏུ་དབུ་འབྱེད། བོད་འགྱུར་སྒྲུང་དེབ་དེ་ནི་སྒྱུར་མཁན་ཁོང་གིས་ཉེ་བའི་ལོ་ངོ་གསུམ་བཞིའི་རིང་བསྒྱུར་ཏེ། བོད་ནང་གི་གཞུང་འབྲེལ་རྩོམ་རིག་དུས་དེབ་《སྦྲང་ཆར》དང་། 《བོད་ཀྱི་རྩོམ་རིག་སྒྱུ་རྩལ》《ལྷོ་ཁའི་རྩོམ་རིག་སྒྱུ་རྩལ》《མི་རིགས་ཀྱི་རྩོམ་རིག》སོགས་སུ་སྔ་ཕྱིར་སྤེལ་ཟིན་ཞིང་། ད་རེས་བརྩམས་སྒྲུང་དེ་དག་ཕྱོགས་བསྒྲིགས་བྱས་ཏེ་དཔར་སྐྲུན་བྱས་ཡོད།