བརྗོད་ཚུལ་ལྟར་ན་གྲོང་ཁྱེར་ནི་འགྲོ་བ་མིའི་རིགས་དཔལ་ཡོན་འཕེལ་རྒྱས་ཀྱི་ཆུ་ཚད་མཐོ་ཤོས་དེའི་མཚོན་རྟགས་ཡིན་པ་བཤད། འོ་ན་བོད་ཁུལ་གྱི་སྐྱེ་རྒུ་མདོ་དང་། གཙོད། སེམས་ཀྱི་ཉི་ཟླ་སོགས་གྲོང་ཁྱེར་དེ་དག་ནི་འགྲོ་བ་མིའི་འཕེལ་རྒྱས་ཀྱི་ཆུ་ཚོད་མཐོ་ཤོས་ལ་སླེབས་འདུག་གམ། སྤྱིར་འགྲོ་བ་མིའི་དཔལ་ཡོན་ཟེར་དུས། དེ་ནི་སྤྱི་ཚོགས་གོང་དུ་འཕེལ་བའི་ལོ་རྒྱུས་ནང་དུ་མིའི་རིགས་ཀྱིས་གསར་བསྐྲུན་བྱས་པའི་རྒྱུ་ནོར་ལོངས་སྤྱོད་ཙམ་མ་ཟད་། བསམ་པའི་ལོངས་སྤྱོད་བཅས་མཐའ་དག་ལ་གོ་དགོས་པ་ཤིག་ཡིན། མདོར་ན་ཕྱི་དངོས་པོ་དང་ནང་བསམ་བློ་གཉིས་ཀྱི་འཕེལ་ཚད་ངེས་ཅན་ཞིག་ལ་དཔལ་ཡོན་ཞེས་རྗོད་ཀྱི་ཡོད། རང་རེའི་བོད་དུ་ནང་བསམ་བློའི་ཆུ་ཚད་གང་འཚམས་སུ་སླེབས་ཡོད་ཚུལ་འདུག ཡིན་ཡང་ཕྱི་དངོས་བོའི་འཕེལ་རྒྱས་ཀྱི་ཆུ་ཚད་ཧ་ཅང་དམའ་ཞིང་དལ་བ་དེ་ཀུན་གྱིས་ངོས་ལེན་ཡོད། དེར་བརྟེན་བོད་ཁུལ་དུ་གྲོང་ཁྱེར་གསར་འཛུགས་བྱེད་པ་དེ་ནི་དཔེར་ན་འགྲོ་མི་ཐུབ་མཁན་གྱི་བྱིས་པ་ཞིག་རྒྱུག་ཤར་གློད་པ་དང་གཅིག་མཚུངས་ཡིན། ད་དུང་དེ་ལས་སྐྱོ་བ་ཞིག་ནི་གྲོང་ཁྱེར་དེ་དག་ནང་བོད་རིགས་རྣམས་ལ་གྲོང་ཁྱེར་ཡུལ་མིའི་འཚོ་བའི་ཐོབ་ཐང་རག་རྒྱུ་ཕར་ཞོག ཐ་ན་རྒྱ་མི་རིགས་དང་འདྲ་མཉམ་གྱི་ཐོབ་ཐང་ཡང་མེད་པ་གསལ་པོ་ཡིན་ལ། [རྒྱས་པ་འདིར་གཟིགས]
