རྩོམ་བསྡུའི་གསལ་བརྡ།

འདི་ལོ་རྒྱ་ནག་དམར་ཤོག་གི་བཙན་དབང་འོག་གྲོས་མཐུན་དོན་ཚན་བཅུ་བདུན་བཞག་ནས་ལོ་བདུན་ཅུ་འཁོར་བ་དང་བསྟུན་ཏེ། བོད་ཀྱི་སྲིད་བྱུས་ཉམས་ཞིབ་ཁང་གིས་གྲོས་མཐུན་དོན་ཚན་བཅུ་བདུན་གྱི་བརྗོད་གཞིའི་ཐོག་ཉམས་ཞིབ་བྱས་པའི་དཔྱད་རྩོམ་བསྡུ་ལེན་བྱས་ཏེ་ཆེད་དེབ་གཟུགས་སུ་དཔར་སྐྲུན་འགྲེམས་སྤེལ་ཞུ་རྒྱུ། འདི་ལོའི་ཕྱི་ཟླ་ ༥ ཚེས་ ༢༣ ཉིན་གྲོས་མཐུན་དོན་ཚན་བཅུ་བདུན་སྐོར་གྱི་བརྗོད་གཞིའི་ཐོག་ཆེད་རྩོམ་འབྲི་མཁན་གྱི་ཉམས་ཞིབ་པ་རྣམ་གདན་ཞུ་བྱས་ཏེ་དྲ་ཐོག་ནས་བགྲོ་གླེང་ཞིག་འཚོག་འཆར་ཡོད་པ་ལགས་ན། རྒྱ་ཆེ་བའི་བོད་ཀྱི་གནས་བབ་ཉམས་ཞིབ་པ་རྣམ་པས་འདི་ལོ་ཟླ་ ༤ ཚེས་ ༡༥སྔོན་ལ་གཤམ་གསལ་གྱི་བརྗོད་གཞི་ཁག་ནས་གཅིག་ལ་ཤོག་ངོས་བདུན་ནས་བཅུ་བར་གྱི་ཆེད་རྩོམ་གསར་པ་འདི་ལས་ཀྱི་བོད་ཡིག་རྩོམ་སྒྲིག་པའི་གློག་འཕྲིན་（[email protected]）ནང་ Word file ཐོག་བོད་ཡིག་Monlam Uni Ouchan 2 ཡིག་གཟུགས་ཆེ་ཆུང་ཚད་གཞི་ ༡༢ ཅན་དུས་ལྟར་བསྐུར་གནང་རེ་སྐུལ་ནན་གྱིས་ཞུའོ། །

རྩོམ་གྱི་བརྗོད་གཞི་གཙོ་བོ་ཁག
༡༽ རྒྱ་ནག་གཞུང་གི་ལོ་རྒྱུས་ཡིག་ཆ་དང་འབྲེལ་ནས་གྲོས་མཐུན་གྱི་རྒྱབ་ལྗོངས་ལ་དཔྱད་ཞིབ།
༢༽ གྲོས་མཐུན་དོན་ཚན་བཅུ་བདུན་དང་འབྲེལ་བའི་བོད་ཀྱི་ལོ་རྒྱུས་ཡིག་ཆར་དཔྱད་ཞིབ།
༣༽ གྲོས་མཐུན་དོན་ཚན་བཅུ་བདུན་དང་བོད་རྒྱའི་དབར་ཆབ་སྲིད་ཀྱི་འབྲེལ་ལམ།
༤༽ རྒྱ་གཞུང་གིས་འདས་པའི་ལོ་ངོ་བདུན་ཅུའི་ནང་གྲོས་མཐུན་དོན་ཚན་བཅུ་བདུན་སྐོར་ནས་བོད་ཐོག་འཛིན་པའི་སྲིད་བྱུས་ལག་བསྟར་བྱས་ཚུལ།
༥༽ གྲོས་མཐུན་དོན་ཚན་བཅུ་བདུན་གྱི་བྱེ་བྲག་གི་དོན་ཚན་རེ་རེའི་སྐོར་ལ་དཔྱད་ཞིབ།
༦༽ གྲོས་མཐུན་དོན་ཚན་བཅུ་བདུན་དང་འབྲེལ་བརྗོད་གཞི་གཞན་བཅས།

བོད་ཀྱི་སྲིད་བྱུས་ཉམས་ཞིབ་ཁང་ནས་༢༠༢༡ཟླ་ ༢ ཚེས་ ༢༦ ལ།